Das Johr fiired mer es Jubiläum, ond zwar es bsondrigs: 50 Johr Hächle-Gugger! Set 1973 esch es halbs Johrhondert vergange – Wahnsinn!

50 Johr voller Freud, Zämehalt, gmeinsamem Musig mache ond zäme Fäschte – mer händ Veles erläbt ond döfed of 50 wonderbari Vereinsjohr zrogluege. S`Bsondrige esch, dass mer veli langjöhrigi Metglieder onder eus händ – öper esch scho fast so lang debi, wie mer jetzt alt send – Wahnsinn! Das macht eus stolz ond zügt vomene schöne Vereinsläbe, wo au näb de Fasnacht vel Spass ond tolli Momänt büütet.

Es paar Erennerige send of de Felmstreife e eusem Jubiläums-Gwändli festghalte. Det chönd ehr euch devo öberzüüge, dass mer en tolle Huufe met vel Humor ond mängisch au chli Seich em Chopf send. Es esch schön, of so vel gueti Erläbnis döfe zrogzluege –

50 Johr Hächle-Gugger, es halbs Johrhondert Wahnsinn! Das möchted mer natürlech met euch zäme fiire :) Am Schmotzige Donnstig, 16.  Februar 2023, lömers a eusemGugge-Festival loh krache – chömed verbi ond fiired met eus met! Mer freued eus of es tolls Fäscht ond händ no lang noni gnueg – 50 Johr Hächle-Gugger, jetzt gohts erst rechtig los!